Profiad ymarferol
Os ydych chi rhwng 16 a 30 oed ac eisiau rhoi hwb i’ch hyder, ennill sgiliau newydd, a chael profiad ymarferol, gwnawn ni eich helpu i gymryd y camau nesaf tuag at yrfa sy'n gwneud gwahaniaeth gwirioneddol.
Trwy Porth Gwyrdd, byddwch yn cael cefnogaeth i:
• Ddarganfod beth ydych chi'n dda’n ei wneud a beth sy'n eich ysgogi
• Adeiladu sgiliau mae cyflogwyr yn chwilio amdanynt
• Ennill profiad ymarferol mewn gweithleoedd go iawn
• Symud yn nes at gyflogaeth hirdymor sy’n rhoi boddhad
Mae hwn yn gyfle am ddim, wedi'i ariannu gan Gronfa Gymunedol y Loteri Genedlaethol drwy Gronfeydd Segur.
Ydy'r Porth Gwyrdd i Chi?
Ddim yn siŵr ble i ddechrau, ond yn gwybod eich bod eisiau gwneud rhywbeth da i'r blaned a'ch dyfodol? Gallai’r Porth Gwyrdd fod i chi.
Rydym yn cynnig cymorth cyfeillgar i'ch helpu i gymryd eich cam nesaf ymlaen. Er mwyn sicrhau bod Porth Gwyrdd yn addas i chi, bydd angen i chi fodloni'r meini prawf canlynol:
-
-
Yn byw yn Sir Gâr, Ceredigion, Sir Benfro neu Powys
-
Ddim mewn gwaith, addysg na hyfforddiant llawn amser ar hyn o bryd
-
Eisiau cynyddu eich hyder, datblygu sgiliau newydd, ac archwilio cyfleoedd yn yr Economi Werdd
-
Yn ystyried bod gennych anabledd neu eich bod o gymuned ethnig leiafrifol
Beth yw’r Economi Werdd?
Mae'r economi werdd yn uno swyddi a diwydiannau sy'n gofalu am y blaned tra'n rhoi hwb i gymunedau a busnesau lleol. Mae'n cwmpasu ynni mwy glân, trafnidiaeth wyrddach, ailgylchu ac ailddefnyddio, bwyd cynaliadwy, adeiladu carbon isel, a diogelu mannau naturiol. Wrth i Gymru symud tuag at sero net erbyn 2050, mae galw cynyddol am bobl â sgiliau ymarferol, sy'n canolbwyntio ar y dyfodol sy'n gwneud lles i bobl, lleoedd, a'r blaned.
Sut mae’n gweithio
Unwaith y byddwch chi'n ymuno, cewch eich paru gyda hyfforddwr swydd cyfeillgar a phrofiadol fydd yn eich cefnogi ar hyd y ffordd.
Mae eich taith i'r Economi Werdd yn dechrau yma. Ymunwch â’r Porth Gwyrdd a chymerwch y cam cyntaf tuag at swydd sy'n helpu'r blaned ac yn agor drysau i'ch dyfodol
-
Dod i’ch Adnabod Chi
Byddwn yn treulio amser yn dysgu am eich diddordebau, cryfderau, a'ch nodau. -
Archwilio Eich Opsiynau
Gyda'n gilydd, byddwn yn edrych ar y math o rolau a diwydiannau sydd fwyaf addas i chi. -
Dod o Hyd i'r Cyfle Cywir
Byddwn yn eich helpu i gysylltu â hyfforddiant, gwirfoddoli, profiad gwaith neu swyddi â thâl sy'n cyd-fynd â'ch sgiliau. -
Gweithio Gyda Chyflogwyr
Byddwn yn eich cyflwyno i gyflogwyr lleol sy'n gwerthfawrogi syniadau ffres ac sy’n barod i gefnogi talent newydd. -
Aros wrth Eich Ochr Chi
Cewch arweiniad a chefnogaeth barhaus wrth i chi adeiladu eich profiad a datblygu yn eich rôl.
Get in touch
Send us your details and we'll get in touch!
